സൗജന്യ ഇ-ശ്രം രജിസ്ട്രേഷൻ ക്യാമ്പ് നടത്തി.

ചാത്തമംഗലം: സേവാഭാരതി ചാത്തമംഗലം യൂണിറ്റിൻ്റെ നേതൃത്വത്തിൽ ഭാരതീയ തപാൽ വകുപ്പിൻ്റെ സഹകരണത്തോടു കൂടി സൗജന്യ ഇ - ശ്രം രജിസ്ട്രേഷൻ ക്യാമ്പ് സംഘടിപ്പിച്ചു. ഇപിഎഫ് അസി.കമ്മീഷണർ ശ്രീ.സി.മുരളീധരൻ ക്യാമ്പ് ഉദ്ഘാടനം ചെയ്തു.

പോസ്റ്റൽ ഇൻസ്പെക്ടർ പ്രവീൺ വി. പദ്ധതി വിശദീകരിച്ചു. സീനിയർ മാനേജർ ജിതേഷ് കെ.പി, അസി.മാനേജർ ആനന്ദ്, തപാൽ ഉദ്യോഗസ്ഥരായ ജോവിൻസ്, ശരത്, സുജിന, എന്നിവർ നേതൃത്വം നൽകി.ടി. സുബ്രമണ്യൻ, ഗണേശൻ പി., കൊടുവള്ളി സേവാഭാരതി സെക്രട്ടറി അരവിന്ദൻ എന്നിവർ ആശംസ അർപ്പിച്ചു സംസാരിച്ചു. രവീന്ദ്രനാഥൻ അധ്യക്ഷത വഹിച്ച ചടങ്ങിൽ സുനിൽ കുമാർ സ്വാഗതവും ഗിരീഷ് മലയമ്മ നന്ദിയും പറഞ്ഞു.