സബ്​സിഡി ഇതര സാധനങ്ങൾക്ക്​ കുത്തനെ വില കൂട്ടി സപ്ലൈകോ

 തിരുവനന്തപുരം :  സ​ബ്​​സി​ഡി ഇ​ത​ര സാ​ധ​ന​ങ്ങ​ൾ​ക്ക്​ കു​ത്ത​നെ വി​ല ക​യ​റ്റി​. ക​ഴി​ഞ്ഞ 10 ദി​വ​സ​ത്തി​നി​ടെ ര​ണ്ടാം ത​വ​ണ​യാ​ണ്​ വി​ല കൂ​ട്ടിയത്​. നി​ശ്ചി​ത അ​ള​വി​ൽ ല​ഭി​ക്കു​ന്ന സ​ബ്​​സി​ഡി സാ​ധ​ന​ങ്ങ​ൾ​ക്ക്​ പു​റ​മേ വാ​ങ്ങു​ന്ന സാ​ധ​ന​ങ്ങ​ൾ​ക്കാ​ണ്​ കൂ​ടു​ത​ൽ തു​ക ഈ​ടാ​ക്കു​ന്ന​ത്. 22 രൂ​പ​യാ​ണ്​ ഒ​രു കി​ലോ മു​ള​കി​ന്​ കൂ​ട്ടി​യത്​. 112ൽ​നി​ന്ന്​ 134ലേ​ക്കാ​ണ്​ മു​ള​ക്​ വി​ല കു​തി​ച്ച​ത്. പി​രി​യ​ൻ മു​ള​കി​ന്​ 14 രൂ​പ​യാ​ണ്​ കൂ​ട്ടി​യ​ത്. 160ൽ​നി​ന്ന്​ 174 ആ​യി. 84 രൂ​പ​യു​ണ്ടാ​യി​രു​ന്ന പ​യ​റി​ന്​ ഒ​റ്റ​യ​ടി​ക്ക്​ 14 രൂ​പ കൂ​ട്ടി 98 രൂ​പ​ക്കാ​ണ്​ ശ​നി​യാ​ഴ്​​ച മു​ത​ൽ വി​ൽ​ക്കു​ന്ന​ത്. ചെ​റു​പ​യ​ർ പ​രി​പ്പി​ന്​ 11 രൂ​പ​ വ​ർ​ധി​ച്ച​ു. 105ൽ​നി​ന്ന്​ 116 രൂ​പ​യി​ലേ​ക്കാ​ണ്​ വി​ല ഉ​യ​ർ​ന്ന​ത്​​.

പ​രി​പ്പി​ന് ആ​റ്​ രൂ​പ​ കൂട്ടി 76ൽ ​നി​ന്ന്​ 82 ആ​ക്കി. മു​തി​ര​ക്കും കൂ​ടി ആ​റ്​ രൂ​പ. 44ൽ​നി​ന്ന്​ 50 രൂ​പ​യി​ലേ​ക്കാ​ണ്​ വി​ല മാ​റി​യ​ത്. മ​ല്ലി​ക്ക്​ കൂ​ടി​യ​ത്​ നാ​ല്​ രൂ​പ​യാ​ണ്. 106ൽ​നി​ന്ന്​ 110 രൂ​പ​യാ​യി.

ഉ​ഴു​ന്ന് പൊ​ളി​ക്ക്​ നാ​ലു രൂ​പ കൂ​ട്ടി​ 104 ആ​ക്കി. ജീ​ര​ക​ത്തി​നും ക​ടു​കി​നും നാ​ല്​ രൂ​പ വീ​തം കൂ​ടി. 196ൽ​നി​ന്ന്​ 210ലേ​ക്കാ​ണ്​ ജീ​ര​ക​വി​ല കു​തി​ച്ച​ത്. ക​ടു​ക്​ 106ൽ​നി​ന്ന്​ 110ലേ​ക്കും വി​ല ക​യ​റി. മ​ട്ട ഉ​ണ്ട അ​രി​യു​ടെ നി​ല​വി​ലെ വി​ല 31 രൂ​പ​യാ​ണ്. നേ​ര​ത്തെ ഇ​തി​െൻറ വി​ല 28 ആ​യി​രു​ന്നു. മൂ​ന്ന്​ രൂ​പ​യു​ടെ വ്യ​ത്യാ​സ​മാ​ണ് ഇ​തി​ലു​ണ്ടാ​യ​ത്. ഇ​ഡ​ലി അ​രി​ക്കും മൂ​ന്ന്​ രൂ​പ ത​ന്നെ​യാ​ണ്​ കൂ​ട്ടി​യ​ത്. 32ൽ​നി​ന്ന്​ വി​ല 35 ആ​യി ഉ​യ​ർ​ന്നു. സു​രേ​ഖ​ക്ക്​ 50 പൈ​സ കൂ​ട്ടി. 34.50 ശ​നി​യാ​ഴ്​​ച മു​ത​ൽ 35 രൂ​പ​യാ​ക്കി ഉ​യ​ർ​ത്തി. പ​ഞ്ച​സാ​ര​ക്കും 50 പൈ​സ കൂ​ട്ടി. കി​ലോ​ക്ക്​ 38.50 രൂ​പ​യു​ണ്ടാ​യി​രു​ന്ന​ത്​ ഇ​പ്പോ​ൾ 39 ആ​യി. വി​ല​ക്ക​യ​റ്റ സ​ന്ദ​ർ​ഭ​ത്തി​ൽ വി​പ​ണി​യി​ൽ ഇ​ട​പെ​ടേ​ണ്ട സ​പ്ലൈ​കോ​യാ​ണ്​ തു​റ​ന്ന വി​പ​ണി​ക്ക്​ അ​നു​കൂ​ല​മാ​യ ന​ട​പ​ടി​യു​മാ​യി രം​ഗ​ത്ത്​ വ​ന്നി​രി​ക്കു​ന്ന​ത്. വി​ല​ക്ക​യ​റ്റം ത​ട​യാ​ൻ മൊ​ബൈ​ൽ മാ​വേ​ലി സ്​​റ്റോ​റു​ക​ളും ഓ​ൺ​ലൈ​ൻ വി​പ​ണി​യു​മൊ​ക്കെ​യാ​യി രം​ഗ​ത്ത്​ വ​ന്ന​തി​ന്​ പി​ന്നാ​ലെ​യാ​ണ്​ ജ​ന​വി​രു​ദ്ധ ന​ട​പ​ടി.