പന്തീരാങ്കാവ്: എസ്.കെ.എസ്.എസ്.എഫിന്റെ നേതൃത്വത്തിൽ വർഷങ്ങളായി റിപ്പബ്ലിക്ക് ദിനത്തിൽ നടന്നുകൊണ്ടിരിക്കുന്ന മനുഷ്യ ജാലികയുടെ കോഴിക്കോട് ജില്ലാ തല മനുഷ്യജാലികക്ക് ഈ വർഷം ആതിഥ്യമരുളുന്നത് പെരുമണ്ണയാണ്. പന്തീരാങ്കാവ് മേഖല എസ്.കെ.എസ്.എസ്.എഫിന്റെ നേതൃത്വത്തിൽ രാഷ്ട്ര നന്മക്ക് സൗഹൃദത്തിന്റെ കാവൽ എന്ന പ്രമേയത്തിൽ നടത്തപ്പെടുന്ന പരിപാടിയോടനുബന്ധിച്ച് സാംസ്ക്കാരിക സമ്മേളനം, എക്സിബിഷൻ എക്സ്പോ, പഴയ തലമുറയുമായി സംവദിക്കൽ, ചാലിയാറിൽ ജലയാത്ര തുടങ്ങി വിവിധ പരിപാടികൾ ആസൂത്രണം ചെയ്തതായി നേതാക്കൾ അറിയിച്ചു.
പെരുമണ്ണയിൽ നടന്ന സ്വാഗത സംഘ രൂപീകരണം സയ്യിദ് മുബശ്ശിർ ജമലുല്ലൈലി ഉദ്ഘാടനം ചെയ്തു. കെ.എ.റഷീദ് ഫൈസി വെള്ളായിക്കോട്, ഫൈസൽ അഹ്സനി, ടി.എ. ഹുസ്സയിൻ ബാഖവി, ഗ്രാമപഞ്ചായത്തംഗങ്ങളായ വി.പി. കബീർ, കെ.കെ.ഷമീർ എന്നിവർ സംസാരിച്ചു.
Post a Comment