പുള്ളാവൂര്‍ : മലബാര്‍ സ്റ്റാര്‍ വിംഗ്സ് വാട്സാപ്പ് കൂട്ടായ്മയുടെ സൗഹൃദസംഗമവും ലോഗോപ്രകാശനവും നടത്തി. കുന്ദമംഗലം നിയോജക മണ്ഡലം എം എല്‍ എ പി ടി എ റഹീം ഉല്‍ഘാടനം ചെയ്തു.
കക്ഷി രാഷ്ട്രീയത്തിനതീതമായി വിവിധ പ്രദേശങ്ങളിലെ സന്നദ്ധപ്രവര്‍ത്തകരെ ഒരുമിപ്പിച്ചു കൊണ്ട് സേവനപ്രവര്‍ത്തനങ്ങള്‍ക്ക് നേതൃത്വം നല്‍കുന്ന ഇത്തരം കൂട്ടായ്മകള്‍ സമൂഹത്തിന് മാതൃകയാണെന്ന് അദ്ധേഹം പറഞ്ഞു.
സുല്‍ഫി പുള്ളാവൂര്‍ അദ്ധ്യക്ഷത വഹിച്ചചടങ്ങില്‍ കുന്ദമംഗലം സര്‍ക്കിള്‍ ഇന്‍സ്പെക്ടര്‍ യൂസുഫ് നടത്തറമ്മല്‍ മുഖ്യാതിഥിയായി സംബന്ധിച്ചു.
സാമൂഹിക പ്രവര്‍ത്തനങ്ങളില്‍ മികച്ച ഇടപെടലുകള്‍ നടത്തുന്ന ഗ്രൂപ്പ് അംഗങ്ങളായ കബീര്‍ കള്ളന്‍തോട്, ഖാലിദ് കെെവേലിമുക്ക് എന്നിവരെയും ലോഗോ ഡിസെെന്‍ ചെയ്ത മന്‍സൂര്‍ ഓമശ്ശേരിയെയും ചടങ്ങില്‍ ആദരിച്ചു.
ഗ്രാമപഞ്ചായത്ത് അംഗം പി ടി എ റഹ്‌മാന്‍,മിദ്ലാജ്,നിസാം കൂമ്പാറ,ടി പി അബൂബക്കര്‍ ,യൂസുഫ് അലി മടവൂര്‍ എന്നിവര്‍ സംസാരിച്ചു.
സാദിഖ് മലയമ്മ സ്വാഗതവും നസീം വി കെ നന്ദിയും പറഞ്ഞു.
Post a Comment