കന്യാസ്ത്രീയെ ബലാത്സംഗം ചെയ്തെന്ന കേസിൽ ജലന്ധർ ബിഷപ്പ് ഫ്രാങ്കോ മുളയ്ക്കലിനെ വെറുതെവിട്ടു. കോട്ടയം അഡീഷണൽ സെഷൻസ് കോടതി ജഡ്ജി ജി. ഗോപകുമാർ ആണ് കേസിൽ വിധിപറഞ്ഞത്.
കുറവിലങ്ങാട്ടെ മിഷനറീസ് ഓഫ് ജീസസ് മഠത്തിൽവെച്ച് 2014 മുതൽ 2016 വരെയുള്ള കാലയളവിൽ കന്യാസ്ത്രീയെ ബിഷപ്പ് ഫ്രാങ്കോ 13 തവണ പീഡിപ്പിച്ചെന്നാണ് കേസ്.
105 ദിവസത്തെ വിസ്താരത്തിനുശേഷമാണ് കേസിൽ വിധിവരുന്നത്. ബലാത്സംഗം, അധികാരം ഉപയോഗിച്ച് സ്ത്രീയെ ലൈംഗികമായി പീഡിപ്പിക്കൽ തുടങ്ങിയവ ഉൾപ്പെടെ ഏഴു വകുപ്പുകൾപ്രകാരമുള്ള കുറ്റങ്ങളാണ് ബിഷപ്പിനെതിരേ ചുമത്തിയിരുന്നത്.
കേരളം കണ്ട ചില അപൂർവസമരങ്ങളുടെ പട്ടികയിലാണ് കന്യാസ്ത്രീകളുടെ പോരാട്ടവും ഇടംപിടിച്ചിരിക്കുന്നത്. അത്രയേറെ അപമാനവും ഭീഷണികളുമാണ് ഇരയ്ക്ക് പിന്തുണനൽകിയതിന്റെ പേരിൽ അവർ അനുഭവിച്ചത്. ഒടുവിൽ ബിഷപ്പ് ഫ്രാങ്കോ മുളയ്ക്കലിനെതിരായ പീഡനക്കേസിൽ വിചാരണ പൂർത്തിയാക്കി കോടതി വിധി പറഞ്ഞതോടെ ആ പോരാട്ടത്തിനും അന്തിമഫലമുണ്ടായിരിക്കുകയാണ്.
Post a Comment