അരയങ്കോട് : എസ്.കെ.എസ്.എസ്.എഫ് മാവൂർ ക്ലസ്റ്റർ തല പ്രതിനിധി സമ്മേളനവും ജനറൽ ബോഡിയും അരയങ്കോട് ഹിദായത്തുൽ അനാം മദ്രസയിൽ വെച്ചു നടന്നു. എസ്.കെ.എസ്.എസ്.എഫ് സംസ്ഥാന ഓർഗനൈസിംഗ് സെക്രട്ടറി ഒ.പി അഷ്റഫ് പരിപാടി ഉദ്‌ഘാടനം ചെയ്തു. ഇബാദ് ട്രെയിനർ റഫീഖ് ചെന്നെ മുഖ്യാതിഥിയായി.
ക്ലസ്റ്റർ സെക്രട്ടറി ഷുക്കൂർ പാറമ്മൽ സ്വാഗതം പറഞ്ഞു. പ്രസിഡന്റ് മുസമ്മിൽ തങ്ങൾ അധ്യക്ഷത വഹിച്ചു. അരയങ്കോട് മഹല്ല് ഭാരവാഹികളായ മുഹമ്മദ് മാസ്റ്റർ, അബ്ദുല്ല വി.കെ എന്നിവർ ആശംസകൾ അറിയിച്ചു. റഹൂഫ് പാറമ്മൽ, ഷാഫി ഫൈസി പൂവ്വാട്ട്പറമ്പ് എന്നിവർ സംസാരിച്ചു.
ശേഷം നടന്ന ജനറൽബോഡി യോഗത്തിൽ റിട്ടേണിംഗ് ഓഫീസർ ഇസ്സുദ്ദീൻ പാഴൂരിന്റെ നേതൃത്വത്തിൽ പുതിയ 2022 -24 വർഷത്തേക്കുള്ള പുതിയ കമ്മിറ്റിയെ തിരഞ്ഞെടുത്തു. മുസമ്മിൽ തങ്ങൾ വെള്ളലശ്ശേരി പ്രസിഡന്റ്, മുനീർ മാവൂർ സെക്രട്ടറി, ഹനീഫ പാറമ്മൽ ട്രഷറർ ആയും ബാസിത്ത് ഫൈസി അരയങ്കോട് വൈസ് പ്രസിഡന്റ്, സുഹൈൽ കൽപ്പള്ളി വർക്കിങ് സെക്രട്ടറി ആയും തിരെഞ്ഞെടുത്തു
Post a Comment