ഹൈദരലി ശിഹാബ് തങ്ങൾ അനുസ്മരണവും റമളാൻ കിറ്റ് വിതരണവും നടത്തി.

കൊടുവള്ളി :കൊടുവള്ളി റെയ്ഞ്ച് സമസ്ത കേരള മദ്റസ മാനേജ്മെൻ്റ് അസോസിയേഷൻ കമ്മറ്റി പാണക്കാട് സയ്യിദ് ഹൈദരലി ശിഹാബ് തങ്ങൾ അനുസ്മരണവും കെടുവള്ളി റെയ്ഞ്ചിലെ നൂറോളം മുഅല്ലിമീങ്ങൾക്ക് റമളാൻ കിറ്റ് വിതരണവും നടത്തി. കരീറ്റിപറമ്പ് ശംസുൽ ഹുദാ മദ്റസയിൽ വെച്ച് നടന്ന പരിപാടി സമസ്ത മാനേജർ കെ.മോയിൻകുട്ടി മാസ്റ്റർ ഉദ്ഘാടനം ചെയ്തു.പ്രസിഡൻ്റ് സി.എം.കെ തങ്ങൾ അധ്യക്ഷനായി. 

യൂസുഫ് മുസ്‌ലിയാർ പ്രാർത്ഥന നടത്തി.എസ്.എം.എഫ് ജില്ലാ ട്രഷററായി തിരഞ്ഞെടുത്ത് സി.മുഹമ്മദ് അബ്ദുറഹിമാന് ചടങ്ങിൽ സ്വീകരണം നൽകി.വർ.പ്രസിഡൻ്റ് സീതിക്കുട്ടി കരുവംപൊയിൽ, ജന. സെക്രട്ടറി അസീസ് പുള്ളാവൂർ, ട്രഷറർ ബഷീർ ഹാജി കരീറ്റിപറമ്പ്, വർ.സെക്രട്ടറി ഫൈസൽ ഒതയോത്ത്, ജം.ഇയ്യത്തുൽ മുഅല്ലിമീൻ പ്രസിഡൻ്റ് അഷ്റഫ് ബാഖവി, ജന.സെക്രട്ടറി അബ്ദുൽ കരീം ബാഖവി, മഹല്ല് സെക്രട്ടറി ഇ.ഇബ്രാഹിം കുട്ടി ഹാജി, യു.വി സാഹിദ്, അബ്ദുൽ മജീദ് അലങ്കാർ, എൻ.കെ മജീദ് കളരാന്തിരി, ഉസ്സയിൽ കുട്ടി ഹാജി പട്ടിണിക്കര, അബ്ദുള്ള ഹാജി കരീറ്റിപറമ്പ്, ശാഫി തലപ്പെരുമണ്ണ, അബ്ദുറഹിമാൻ കുട്ടി കിളിച്ചാർ വീട് പങ്കെടുത്തു.