ഗാന്ധിപീഠം കൾച്ചറൽ & ചാരിറ്റബിൾ സൊസേറ്റി വാർഷിക സമ്മേളനം നടന്നു.

കട്ടാങ്ങൽ : ഗാന്ധിപീഠം കൾച്ചറൽ & ചാരിറ്റബിൾ സൊസേറ്റിയുടെ വാർഷിക സമ്മേളനം ഉദ്ഘാടനം ഡി.സി.സി ജനറൽ സെക്രട്ടറി വിനോദ് പടനിലം നിർവഹിച്ചു.

കട്ടാങ്ങലിൽ വെച്ചു നടന്ന  സമ്മേളനത്തിൽ ചാത്തമംഗലം പഞ്ചായത്തിലെ മുതിർന്ന കർഷകരെയും കലാകാരൻമാരെയും ആദരിച്ചു. പുതിയ തലമുറ കാർഷികവൃത്തിയിലേക്ക് കടന്നു വരാൻ മടിക്കരുതെന്നും ഗാന്ധിപീഠം പോലുള്ള സംഘടനകൾ കർഷകർക്കും കലാകാരൻമാർക്കും ആവശ്യമായ പിന്തുണ നൽകുന്നത് മാതൃകാപരമാണെന്നും  അദ്ദേഹം അഭിപ്രായപ്പെട്ടു.  സെക്രട്ടറി എൻ.പി.രഞ്ജിത്ത് സ്വാഗതം പറഞ്ഞ ചടങ്ങിൽ പ്രസിഡണ്ട് ഡോ.പി.ഗോപിനാഥ് അധ്യക്ഷം വഹിച്ചു. കോഴിമണ്ണ വാർഡ് മെമ്പർ എം.കെ അജീഷ്, യൂത്ത് കോൺഗ്രസ് നിയോജക മണ്ഡലം പ്രസിഡണ്ട് സുജിത്ത്, ഇസ്മാലുട്ടി എന്നിവർ സംസാരിച്ചു. പുതിയ വർഷത്തെ ഭാരവാഹികളായി പ്രസിഡണ്ട് ഡോ.പി.ഗോപിനാഥ്, സെക്രട്ടറി എം.രജുൽ, ട്രഷറർ ഇ.വാസുദേവൻ എന്നിവരെ തെരഞ്ഞെടുത്തു.