വാട്സാപ്പ് ഡിലീറ്റ് ഫോർ എവരി വൺ സമയപരിധി നീട്ടി

വാട്ട്സ് ആപ്പ് ഉപഭോക്താക്കള്‍ക്ക് ഇതാ പുതിയ അപ്പ്‌ഡേറ്റുകള്‍ എത്തിയിരിക്കുന്നു. വാട്സാപ്പ് ഉപഭോക്താക്കള്‍ ഏറെ കാത്തിരുന്ന ഒരു അപ്പ്‌ഡേറ്റ് കൂടിയാണ് ഇപ്പോള്‍ പുറത്തിറക്കിയിരിക്കുന്നത് 

Delete For Everyone  സമയ പരിധി ഉയര്‍ത്തികൊണ്ടുള്ള അപ്ഡേറ്റുകളാണ് ഇപ്പോള്‍ എത്തിയിരിക്കുന്നത്. നേരത്തെ Delete For Everyone എന്ന ഓപ്‌ഷന്റെ സമയ പരിധി 1 മണിക്കൂര്‍ 8 മിനുട്ട് 16 സെക്കന്റ് വരെയായിരുന്നു ഉപഭോക്താക്കള്‍ക്ക് ലഭിച്ചിരുന്നത്. എന്നാല്‍ ഇപ്പോള്‍ ഇത് 2 ദിവസവും 12 മണിക്കൂറും വരെയാണ് ഉപഭോക്താക്കള്‍ക്ക് പുതിയ അപ്ഡേറ്റുകള്‍ പ്രകാരം ലഭിക്കുന്നത്.

 അതോടൊപ്പം ഒരു ഗ്രൂപ്പില്‍ ആഡ് ചെയ്യാവുന്ന മെമ്പർമാരുടെ എണ്ണത്തിലും വാട്സാപ്പ് വര്‍ദ്ധനവ് കൊണ്ടുവന്നു. നിലവില്‍ ഒരു വാട്ട്സാപ്പ് ഗ്രൂപ്പിൽ 512 മെമ്പർമാരെ വരെ ആഡ് ചെയ്യുവാനുള്ള സെറ്റപ്പാണ് വന്നിരിക്കുന്നത്. നേരത്തെ ഒരു ഗ്രൂപ്പിൽ ആഡ് ചെയ്യാൻ സാധിക്കുന്ന മെമ്പർമാരുടെ എണ്ണം 256 വരെ ആയിരുന്നു.