ചാത്തമംഗലം : കേരള സ്‌റ്റേറ്റ് സർവ്വീസ് പെൻഷനേഴ്സ് യൂണിയൻ ചാത്തമംഗലം യൂണിറ്റ് കൺവെൻഷൻ കെ.എസ്.എസ്.പി.യു. ജില്ലാ വൈസ് പ്രസിഡൻറ് കെ.വി.ജോസഫ് ഉദ്ഘാടനം ചെയ്തു. യൂണിറ്റ് പ്രസിഡൻ്റ് കെ.ഭരതൻ അധ്യക്ഷത വഹിച്ചു. ചടങ്ങിൽ 12 മുതിർന്ന മെമ്പർ മാരെ ജില്ലാ രക്ഷാധികാരി എ.ഗംഗാധരൻ നായർ പൊന്നാട അണിയിച്ച് ആദരിച്ചു.
സംഘടനയിലേക്ക് പുതുതായി വന്ന 25 പേർക്ക് ബ്ലോക്ക് സെക്രട്ടറി പി ചന്ദ്രൻ മെമ്പർഷിപ്പ് നൽകി സ്വീകരിച്ചു. പെൻഷൻ കുടുംബങ്ങളിലെ പ്രൊഫഷണൽ ഉന്നത ബിരുദധാരികളേയും, ജില്ലയിലെ ഏറ്റവും മികച്ച കൃഷി ഓഫീസറായി തെരഞ്ഞെടുക്കപ്പെട്ട പി. വിജയകൃഷ്ണനേയും സംസ്ഥാന കമ്മിറ്റി അംഗം പി.ചന്ദ്രൻ ഉപഹാരം നൽകി അനുമോദിച്ചു. യൂണിറ്റ് രക്ഷാധികാരി ടി. സുബ്രഹ്മണ്യൻ, ജില്ലാ കമ്മിറ്റി അംഗം പി.പ്രേമകുമാരി, ബ്ലോക്ക് ജോ. സെക്രട്ടറി സി.പ്രേമൻ, ആദരവ് ഏറ്റുവാങ്ങിയവർ എന്നിവർ സംസാരിച്ചു. യൂണിറ്റ് സെക്രട്ടറി എം.കെ.വേണു സ്വാഗതവും ജോ. സെക്രട്ടറി പി.മധുസൂദനൻ നന്ദിയും പറഞ്ഞു.
Post a Comment