എം. എ.എം.ഒ കോളേജ് മിലാപ്'22. ഓൾഡ് ഫോട്ടോ കോണ്ടെസ്റ്റിൽ ഡാനിഷ് നു ഒന്നാം സമ്മാനം

മുക്കം : എം എ എം ഒ കോളേജ് ഗ്ലോബൽ അലുംനി സംഘടിപ്പിക്കുന്ന പൂർവ വിദ്യാർത്ഥി സംഗമമായ മിലാപ്പ് 22 ന്റെ ഭാഗമായി നടത്തിയ 'ഓൾഡ് ഫോട്ടോ കോണ്ടെസ്റ്റ് ' വിജയികളെ പ്രഖ്യാപിച്ചു. ഫേസ്ബുക് പേജിൽ നടത്തിയ മത്സര ഫലമാണ് പ്രഖ്യാപിച്ചത്. ഫേസ്ബുക് പേജിൽ അപ്‌ലോഡ് ചെയ്ത പ്രൊമോ വീഡിയോക്കു താഴെ കമന്റായി പോസ്റ്റ്‌ ചെയ്ത കോളേജ് കാലത്തെ വ്യത്യസ്തമായ 50 ഓളം ഫോട്ടോകളിൽ നിന്നാണ് വിജയികളെ തിരഞ്ഞെടുത്തത്.

ഒന്നാം സ്ഥാനം ഡാനിഷ് (2011-14 ) ഉം രണ്ടും മൂന്നും സ്ഥാനം യഥാക്രമം സിദ്ദീഖ് (2013-2016), ഷമീറ (1996-99) എന്നിവരും നേടി ..കൂടാതെ ഏറ്റവും കൂടുതൽ ലൈക്‌ നേടിയ ഫോട്ടോക്കുള്ള പ്രോത്സാഹന സമ്മാനത്തിന് നിസാർ മോൻ (2004-07) അർഹനായി. വിജയികൾക്കുള്ള പുരസ്‌കാരങ്ങൾ ജൂലൈ 24ആം തിയ്യതി എം. എ. എം. ഒ കോളേജിൽ വെച്ച് നടക്കുന്ന മിലാപ്പ് -22 സംഗമത്തിൽ വിതരണം ചെയ്യും.