ഈസ്റ്റ് കിഴക്കോത്ത് വീട്ടുമുറ്റത്തെ കിണർ താഴ്ന്നു

കൊടുവള്ളി :ഈസ്റ്റ് കിഴക്കോത്ത് വീട്ടുമുറ്റത്തെ കിണർ ഇടിഞ്ഞു.കിഴക്കോത്ത് ജുമാമസ്ജിദിന് സമീപം കുറുപ്പച്ചൻകണ്ടി സൈനുദ്ദീന്റെ വീടിനോട് ചേർന്ന പത്ത് കോൽ താഴ്ചയുള്ള കിണറാണ് ആൾമറ ഉൾപ്പെടെ ഇടിഞ്ഞത്.

കഴിഞ്ഞ ദിവസമുണ്ടായ ശക്തമായ മഴയെത്തുടർന്നാണ് സംഭവം. രാവിലെയാണ് വീട്ടുകാർ കിണർ താഴ്ന്നത് കണ്ടത്. വീട്ടുകാർ ഭീതിയിലാണ്.ഒതയോത്ത് പുറായിൽ പൊയിലങ്ങൽ ഉമ്മറിന്റെ വീടിനോട് ചേർന്ന കിണറും കഴിഞ്ഞ ചൊവ്വാഴ്ച ഇടിഞ്ഞിരുന്നു.