ഗ്രാമവണ്ടിയുമായി ചാത്തമംഗലം ഗ്രാമപഞ്ചായത്ത്

കട്ടാങ്ങൽ : നഷ്ടത്തിൽ ഓടുന്ന കെഎസ്ആർടിസിയെ ലാഭത്തിലാക്കാൻ സംസ്ഥാന സർക്കാർ നടപ്പാക്കുന്ന പദ്ധതി ജില്ലയിൽ ആദ്യമായും സംസ്ഥാനത്ത് രണ്ടാമതായും നടപ്പാക്കുന്നത് ചാത്തമംഗലം പഞ്ചായത്തിലാണ് . വിദ്യാർഥികളുടെയും നാട്ടു കാരുടെയും യാത്രാക്ലേശം പരിഹരിക്കുന്നതിന് പഞ്ചായത്തിന്റെ ഗ്രാമ വീഥികളിലൂടെ അടുത്ത ആഴ്ച മുതൽ ആനവണ്ടി ഗ്രാമവണ്ടിയായി സർവീസ് നടത്തുന്നതിന് തയ്യാറായിക്കഴിഞ്ഞു.

പഞ്ചായത്ത് നിർദേശിക്കുന്ന റൂട്ടിൽ സർവീസ് നടത്തുന്നതിന് വാഹനത്തിന്റെ ഇന്ധന ചെലവ് പഞ്ചായത്ത് തനതു ഫണ്ടിൽ ഉൾപ്പെടുത്തിയും സ്പോൺസർമാർ മുഖേനയുമാണ് കണ്ടെത്തുന്നത് . ആദ്യത്തെ ഒരു മാസത്തെ ഇന്ധന ചെലവിനുള്ള ഒരു ലക്ഷം രൂപ പഞ്ചായത്ത് ചാത്തമംഗലം സഹകരണ ബാങ്ക് മുഖേന കണ്ടെത്തി കെഎസ്ആർടിസിക്ക് നൽകി . പഞ്ചായത്ത് 2022--23 പദ്ധതിയിൽ ഉൾപ്പെടുത്തി ഇതിനു ഫണ്ട് ചെലവഴിക്കുന്നതിനുള്ള അംഗീകാരവും വാങ്ങിയിട്ടുണ്ട്. സ്കൂൾ കുട്ടികൾക്ക് 3 മാസ ത്തേക്ക് ആകെ 10 രൂപ നൽകി യാൽ മതി .

വെള്ളന്നൂരിലെ ചാത്തമംഗലം ആർട്സ് ആൻഡ് സയൻസ് കോളേജ്., എംവിആർ ആശുപത്രി, നായർകുഴി ഗവ ഹയർസെക്കൻഡറി സ്കൂൾ, വെള്ളന്നൂർ ആയുർവേദ ഡിസ്പെൻസറി , നായർകുഴി ഹോമിയോ ആശുപ്രതി , ചൂലൂർ ഫാമിലി ഹെൽത്ത് സെന്റർ , താത്തൂർ ശുഹദാ മഖാം എന്നിവിടങ്ങളിൽ സർവീസ് നടത്തുന്നതിന് റൂട്ട് തയാറാ ക്കി . ചാത്തമംഗലത്തു നിന്നു മാവൂർ വഴി എളമരം പാലം കടന്ന് മലപ്പുറം ജില്ലയിലെ എടവണ്ണപ്പാറയിലേക്കും ഗ്രാമവണ്ടി സർവീസ് നടത്തുമെന്ന് പഞ്ചായത്ത് പ്രസിഡന്റ് ഓളിക്കൽ ഗഫൂർ പറഞ്ഞു . പദ്ധതി വിജയിച്ചാൽ രണ്ടാമത്തെ ഗ്രാമ വണ്ടിയും നിരത്തി ലിറങ്ങും .