അബൂദബിയിൽ മരണപ്പെട്ട ഹാരിസിന്‍റെ മൃതദേഹം വീണ്ടും പോസ്റ്റ്മോർട്ടം ചെയ്തു

കട്ടാങ്ങൽ : നാ​ട്ടു​വൈ​ദ്യ​ൻ ഷാ​ബാ ശ​രീ​ഫ് വ​ധ​ക്കേ​സി​ലെ മു​ഖ്യ​പ്ര​തി ഷൈ​ബി​ൻ അ​ഷ്റ​ഫി​ന്റെ അ​ബൂ​ദ​ബി​യി​ലെ ബി​സി​ന​സ് പ​ങ്കാ​ളി​യാ​യി​രു​ന്ന ഈ​സ്റ്റ് മ​ല​യ​മ്മ കു​റു​പ്പ​ൻ​തൊ​ടു​ക​യി​ൽ ഹാ​രി​സി​ന്റെ മൃ​ത​ദേ​ഹം പു​റ​ത്തെ​ടു​ത്ത് വീ​ണ്ടും പോ​സ്റ്റ്മോ​ർ​ട്ടം ന​ട​ത്തി. നി​ല​മ്പൂ​ർ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി മു​മ്പാ​കെ ബ​ന്ധു​ക്ക​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കോ​ട​തി ഉ​ത്ത​ര​വ് അ​നു​സ​രി​ച്ചാ​യി​രു​ന്നു ന​ട​പ​ടി. 2020 മാ​ർ​ച്ച് അ​ഞ്ചി​നാ​ണ് അ​ബൂ​ദ​ബി​യി​ലെ ഫ്ലാ​റ്റി​ൽ ഹാ​രി​സി​നെ ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഷാ​ബാ ശ​രീ​ഫ് കൊ​ല​പാ​ത​കം തെ​ളി​ഞ്ഞ​തോ​ടെ ഷൈ​ബി​ന്റെ നി​ർ​ദേ​ശ​പ്ര​കാ​രം അ​ബൂ​ദ​ബി​യി​ൽ​വെ​ച്ച് ഹാ​രി​സി​നെ​യും കൊ​ല​ചെ​യ്ത​താ​യി പ്ര​തി​ക​ൾ സെ​ക്ര​ട്ടേ​റി​യ​റ്റി​നു മു​ന്നി​ൽ​​വെ​ച്ച് പ​ര​സ്യ​മാ​യി കു​റ്റ​സ​മ്മ​തം ന​ട​ത്തി​യി​രു​ന്നു.

ര​ണ്ട​ര വ​ർ​ഷം പ​ഴ​ക്ക​മു​ള്ള മൃ​ത​ദേ​ഹ​ത്തി​ന്റെ ത​ല​യോ​ട്ടി​യും അ​സ്ഥി​കൂ​ട​ങ്ങ​ളു​മാ​ണ് അ​വ​ശേ​ഷി​ച്ചി​രു​ന്ന​ത്. പ്രാ​ഥ​മി​ക പ​രി​ശോ​ധ​ന​ക്കു​ശേ​ഷം വി​ദ​ഗ്ധ പ​രി​ശോ​ധ​ന​ക്കാ​യി മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജ്​ ആ​ശു​പ​ത്രി മോ​ർ​ച്ച​റി​യി​ലേ​ക്ക്​ കൊ​ണ്ടു​പോ​യി.

മഹല്ല് ഭാരവാഹികൾ, പൊതുപ്രവർത്തകർ, നിലമ്പൂർ ഡിവൈ.എസ്.പി ഷാജു കെ. എബ്രഹാം, സി.ഐ പി.വിഷ്ണു,തഹസിൽദാർ ശ്രീകുമാർ എന്നിവരുടെ സാന്നിധ്യത്തിൽ ഫോറൻസിക് സർജൻ ഡോ. ലിസ,സയൻറിഫിക് ഓഫിസർ ഡോ.വി.മിനി എന്നിവരാണ് പോസ്റ്റ്മോർട്ടത്തിന് നേതൃത്വം നൽകിയത്. പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുകൊടുത്തു.വൈകീട്ട് നാലുമണിയോടെ ഈസ്റ്റ് മലയമ്മ ജുമാമസ്ജിദ് ഖബർസ്ഥാനിൽ ഖബറടക്കി