ചാത്തമംഗലം: ശ്രീകൃഷ്ണ ജയന്തി ആഘോഷങ്ങളുടെ ഭാഗമായി ബാലഗോകുലത്തിൻ്റെ നേതൃത്വത്തിൽ 'സ്വത്വം വീണ്ടെടുക്കാം സ്വധർമ്മാചരണത്തിലൂടെ' എന്ന സന്ദേശവുമായി ചാത്തമംഗലം പഞ്ചായത്തിൽ രണ്ട് മഹാശോഭായാത്രകൾ നടക്കും. ശ്രീ. മലയമ്മ ശിവക്ഷേത്രം, ശ്രീ. അരീക്കുളങ്ങര ദേവീക്ഷേത്രം, ശ്രീ പൂളക്കോട് വിഷ്ണു (നരസിംഹ) ക്ഷേത്രം, ശ്രീ. ഇരിങ്ങാടൻ കുന്ന് മഹാവിഷ്ണു ക്ഷേത്രം, ശ്രീ. ചിന്മയാ മിഷൻ ശ്രീകൃഷ്ണ ക്ഷേത്രം തുടങ്ങിയ ക്ഷേത്രങ്ങളിൽ നിന്നും 5 മണിക്ക് ആരംഭിക്കുന്ന ശോഭായാത്രകൾ മഹാശോഭായാത്രയായി അമ്പാടിയിൽ ( കട്ടാങ്ങൽ അങ്ങാടി) സംഗമിക്കും.
ശ്രീ. കൂഴക്കോട് കുമാരമംഗലം ശിവക്ഷേത്രം, ശ്രീ. സങ്കേതം കുളങ്ങരക്കണ്ടി ദേവീക്ഷേത്രം എന്നിവിടങ്ങളിൽ നിന്നും 5 മണിക്ക് ആരംഭിക്കുന്ന ശോഭായാത്രകൾ വെള്ളനൂർ കോട്ടോൽത്താഴത്ത് സoഗമിച്ച് മഹാശോഭായാത്രയായി ശ്രീ.കുനിയിൽ ശിവക്ഷേത്രപരിസരത്ത് സമാപിക്കുo. രാജ് നാരായണൻ, ശ്യാം പ്രകാശ്, ഗിരീഷ് സങ്കേതം, ചന്ദ്രൻ പെരിങ്ങാട്ട് എന്നിവർ നേതൃത്വം നൽകും.
Post a Comment