കൊടിയത്തൂർ : രാജ്യത്തിൻ്റെ എഴുപത്തി അഞ്ചാം സ്വാതന്ത്ര്യ ദിനാഘോഷം വേറിട്ടതാക്കി പന്നിക്കോട് എ യു പി സ്കൂൾ. കൊടിയത്തൂർ ഗ്രാമപഞ്ചായത്ത് മുൻ പ്രസിഡൻ്റുമാർക്ക് ആദരവൊരുക്കിയായിരുന്നു ഈ വർഷത്തെ സ്വാതന്ത്ര്യ ദിനാഘോഷം.കെ പി യു അലി, പി.ഉപ്പേരൻ, കെ.വി അബ്ദു റഹിമാൻ, ഇ.രമേശ് ബാബു, ബഷീർ പുതിയോട്ടിൽ, സുജ ടോം എന്നിവരേയും നിലവിലെ പ്രസിഡൻ്റ് ഷംലൂലത്തിനെയും ചടങ്ങിൽ ആദരിച്ചു. പരിപാടിക്ക് എത്തിപ്പെടാൻ സാധിക്കാതിരുന്ന എൽസി എസ്തപ്പാൻ, ചാലിൽ സൈനബ, എം.എ നാസർ എന്നിവർക്ക് വീട്ടിൽ പോയി ആദരവ് നൽകുമെന്ന് സ്കൂൾ അധികൃതർ അറിയിച്ചു. സ്കൂൾ പൂർവ വിദ്യാർത്ഥിയും തിരുവനന്തപുരം സിബിഐ ഇൻസ്പെക്ടറുമായ മുരളീധരൻ പരിപാടി ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡൻ്റ് ഷംലൂലത്ത് അധ്യക്ഷത വഹിച്ചു.പി.ടി.എ പ്രസിഡൻ്റ് സി. ഹരീഷ്, മാനേജർ സി. കേശവൻ നമ്പൂതിരി, പ്രധാനാധ്യാപിക വി.പി ഗീത, ബഷീർ പാലാട്ട്, സി. ഫസൽ ബാബു,റസീന മജീദ്, പി.കെ ഹഖീംമാസ്റ്റർ കളൻ തോട്, പി.വി അബ്ദുല്ല തുടങ്ങിയവർ സംസാരിച്ചു.തുടർന്ന് കുട്ടികളുടെ വിവിധ കലാപരിപാടികളും അരങ്ങേറി. രാവിലെ പ്രധാനാധ്യാപിക വി.പി ഗീത പതാക ഉയർത്തിയതോടെയാണ് പരിപാടികൾ തുടങ്ങിയത്
Post a Comment