ചാത്തമംഗലം : അധ്യാപകനും, മികച്ച കർഷകനുമായിരുന്ന കളത്തിൽ ഇസ്മായിൽ മാസ്റ്ററുടെ സ്മരണാർത്ഥം മികച്ച കർഷക സംഘത്തിന് ഏർപ്പെടുത്തിയ എവർ റോളിങ് ട്രോഫിക്ക് ഇത്തവണ വെള്ളനൂർ-കൂഴക്കോട് V. P. K. P അർഹരായി. കർഷകരോടും, കൃഷിയോടും മാസ്റ്റർ കാണിച്ച താല്പര്യത്തിന്റെ അടിസ്ഥാനത്തിൽ ഏർപ്പെടുത്തിയതായിരുന്നു പ്രസ്തുത അവാർഡ്.
ചിങ്ങം 1 കർഷക ദിനത്തോടനുബന്ധിച്ചു ചാത്തമംഗലം കൃഷി ഭവനിൽ വെച്ചു നടന്ന ചടങ്ങിൽ ബഹു. Mla ശ്രീ. PTA റഹീം ജേതാക്കൾക്കു അവാർഡ് വിതരണം ചെയ്തു. ചടങ്ങിൽ ഗ്രാമപഞ്ചായത്തു പ്രസിഡന്റ്‌ ശ്രീ ഓളിക്കൽ ഗഫൂർ അധ്യക്ഷത വഹിച്ചു. ജനപ്രതിനിധികൾക്ക് പുറമെ വിവിധ കർഷക പ്രതിനിധികൾ, കൃഷി വകുപ്പ് ഉദ്യോഗസ്ഥർ, കർമസേന പ്രതിനിധികൾ എന്നിവർ ചടങ്ങിൽ സംബന്ധിച്ചു. മാസ്റ്റരുടെ കുടുംബം നൽകുന്ന ക്യാഷ് അവാർഡ് മകൻ ഫൈസൽ ചടങ്ങിൽ വെച്ചു കൈമാറി.
Post a Comment