തൃശൂരിൽ ഉത്സവത്തിനിടെ കതിന പൊട്ടിത്തെറിച്ചു; നാലു പേർക്ക് പരിക്ക്, രണ്ടു പേരുടെ നില ഗുരുതരം

തൃശൂർ : 

എരുമപ്പെട്ടി വരവൂരിൽ ഉത്സവത്തിനിടെ കതിന പൊട്ടിത്തെറിച്ച് അപകടം. നാലു പേർക്ക് പരിക്കേറ്റു. ശ്യാംജിത്ത്, രാജേഷ്, ശ്യാംലാൽ, ശബരി എന്നിവർക്കാണ് പരിക്കേറ്റത്. പാലക്കൽ ഭഗവതി ക്ഷേത്രത്തിലെ ഉത്സവത്തിനിടെയാണ് അപകടം. പരിക്കേറ്റവരെ മുളങ്കുന്നത്തുകാവ് ഗവ. മെഡിക്കൽ കോളേജിൽ പ്രവേശിപ്പിച്ചു.

രണ്ടു പേർക്ക് ഗുരുതര പൊള്ളലേറ്റിട്ടുണ്ട്. ശബരിയ്ക്ക് 70 ശതമാനവും ശ്യാംജിത്തിന് 40 ശതമാനവുമാണ് പൊള്ളലേറ്റത് . മറ്റു രണ്ടു പേർക്ക് 30 ശതമാനവും പൊള്ളലേറ്റു. പരിക്കേറ്റ നാലു പേരെയും തീവ്ര പരിചരണ വിഭാഗത്തിലാണ് പ്രവേശിപ്പിച്ചിട്ടുള്ളത്. ഇന്ന് ഉച്ചയോടെയായിരുന്നു അപകടം.