മാവൂർ ഗ്രാമപഞ്ചായത്തിന് മഹാത്മ പുരസ്‌കാരം

മാവൂർ: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്ക് ന​ല്‍കു​ന്ന മഹാത്മാ പു​ര​സ്‌​കാ​രത്തിന് മാവൂർ ഗ്രാമപഞ്ചായത്ത് അര്‍ഹ​ത നേ​ടി. 2021 -22 വ​ര്‍ഷ​ത്തെ പ്ര​വ​ര്‍ത്ത​ന​ങ്ങ​ള്‍ വി​ല​യി​രു​ത്തി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം 1311 കുടുംബങ്ങൾക്ക് 100 തൊഴിൽ ദിനം ലഭ്യമാക്കിയതുൾപ്പെടെയുള്ള മികച്ച പ​ദ്ധ​തി ആ​സൂ​ത്ര​ണ നി​ര്‍വ​ഹ​ണ​ത്തി​ന്റെ​യും ഭ​ര​ണ​നി​ര്‍വ​ഹ​ണ മി​ക​വി​ന്റെ​യും അ​ടി​സ്ഥാ​ന​ത്തി​ലാ​ണ് പു​ര​സ്‌​കാ​രത്തിന് തിരഞ്ഞെടുക്കപ്പെട്ടത്. 

ഗ്രാമീണ റോഡുകൾ, ഫുട്പാത്തുകൾ എന്നിവ നിർമ്മിക്കുന്നതിന് ഒരു കോടിയോളം രൂപയും, കുടുംബശ്രീ, കൃഷിഭവൻ, ദേശീയ ഗ്രാമണ തൊഴിലുറപ്പ് പദ്ധതി എന്നിവ സംയുക്തമായി തരിശുഭൂമി കൃഷിയോഗ്യമാക്കി നെൽകൃഷി ചെയ്തതുൾപ്പെടെ പരിഗണിച്ചാണ് ജി​ല്ലാ​ത​ല​ത്തി​ല്‍ മാവൂർ ഗ്രാമപഞ്ചായത്തിനെ കോഴിക്കോട് ജില്ലയിൽ ഒന്നാം സ്ഥാനത്തിന് അർഹമാക്കിയത്. 

കായക്കൊടി, മരുതോങ്കര, ചക്കിട്ടപ്പാറ പ​ഞ്ചാ​യ​ത്തു​ക​ള്‍ ര​ണ്ടാം സ്ഥാ​ന​ത്തിന് അർഹരായി. ത​ദ്ദേ​ശ സ്വ​യം​ഭ​ര​ണ ദി​നാ​ഘോ​ഷ​ത്തി​ന്റെ ഭാ​ഗ​മാ​യി ഈ മാസം 19ന് ന​ട​ക്കുന്ന ച​ട​ങ്ങിൽ വച്ച് മഹാ​ത്മാ പു​ര​സ്‌​കാ​രം സമ്മാനിക്കും