ജി എച്ച്എസ് എസ് ചെറുവാടി വാർഷിക ആഘോഷവും യാത്രയയപ്പ് സമ്മേളനവും നടത്തി

ചെറുവാടി : ജി എച്ച്എസ് എസ് ചെറുവാടിയിൽ വാർഷിക ആഘോഷവും യാത്രയയപ്പ് സമ്മേളനവും വിപുലമായ പരിപാടികളോടെ നടത്തി. നൂറാം വർഷത്തിൽ നിൽക്കുന്ന വിദ്യാലയം പഠന,കായിക മേഖലകളിൽ മികച്ച വിജയം കൈവരിച്ച് മുന്നോട്ട് പോകുന്നു. ഹയർ സെക്കണ്ടറി പ്രിൻസിപ്പാൾ ഷക്കീബ് കീലത്ത് സ്വാഗതം പറഞ്ഞ പരിപാടിയിൽ ജില്ലാ പഞ്ചായത്ത് മെമ്പർ നാസർ എസ്റ്റേറ്റ്മുക്ക് ഉദ്ഘാടനം ചെയ്തു.

 പി.ടി.എ പ്രസിഡൻ്റ് സി.വി അബ്ദുൽ റസാഖ് അധ്യക്ഷൻ വഹിച്ചു. ഈ വർഷം സ്കൂളിൽ നിന്ന് പടിയിറങ്ങുന്ന ഹെഡ്മിസ്ട്രസ് ശ്രീമതി അജിത ടീച്ചർ, അറബിക് അധ്യാപിക ടി.പി റഹിയാനത്ത് ടീച്ചർ എന്നിവരെ ആദരിക്കുകയും ചെയതു. പഠന, കായിക മേഖലകളിൽ സംസ്ഥാന തലത്തിലും ജില്ലാതലത്തിലും മികച്ച വിജയം കൈവരിച്ച കുട്ടികളെ ജില്ലാ പഞ്ചായത്ത് മെമ്പർ അനുമോദിച്ചു. പുരോഗമന കലാസാഹിത്യ സംഘം യുവ എഴുത്തുകാർക്കായി ഏർപ്പെടുത്തിയ എം.എൻ കാവ്യപുരസകാരം നേടിയ യുവ കവി സുജിത്ത് ഉച്ചക്കാവ്, കായിക അധ്യാപിക റീന ടീച്ചർ എന്നിവരെയും ചടങ്ങിൽ ആദരിച്ചു. സുഹ്റ വെള്ളങ്ങോട്ട്, മജീദ് റിഹല, സലാം മാസ്റ്റർ, എസ്.എം.സി ചെയർമാൻ ആസാദ് മാസ്റ്റർ എന്നിവർ ആശംസകൾ പറയുകയും, സ്റ്റാഫ് സെക്രട്ടറി സബിത് മാസ്റ്റർ നന്ദി പറയുകയും ചെയ്‌തു.തുടർന്ന് കുട്ടികളുടെ കലാപരിപാടികളും ഗാനമേളയും നടന്നു.